Өскемен қаласында бірегей театр ғимараты қолданысқа берілгеннен кейін 2015 жылдың шілде айында Шығыс Қазақстан облыстық драма театры жанынан Жастар театры құрылды.

    Жас театрдың алғашқы театр маусымы 2015 жылы 4-қараша күні американдық драматург К. Людвигтің «Жұлдызды сәт» комедиясымен ашылды. Спектакльді сахналауға Астана опера театрының талантты жас режиссері Еренбақ Тойкенов шақыртылған.

   Ал труппаның актерлік құрамында Т. Жүргенов атындағы өнер академиясы мен «Шабыт» өнер университетінің түлектері өнер көрсетеді.

       2021 жылы театр әртістері алғаш рет қуыршақ ертегісін сахналап, кішкентай көрермендердің көзайымына айналды. Ал 2023 жылы сәуірде ресми түрде қуыршақ труппасы құрылды. Сол уақыттан бері репертуар балаларға арналған қызықты әрі танымды қуыршақ ертегілерімен толығып келеді.

    Жас ұжым болса да әртүрлі республикалық және халықаралық деңгейдегі фестивальдерге қатысып үлгеруде.