Халықаралық театр күні мерекесі құтты болсын!
Театр өнері – қай дәуірде де маңызын жоймай, мәңгі жасайтын мәуелі өнер. Ұлттық өнерді өркендетуде талмай еңбек етіп келе жатқан әріптестерімді, өнер мерекесімен шын жүректен құттықтаймын!
Құрметті көрермендер!
Елімізде мәдени және спорттық шараларды өткізуге уақытша тыйым салынуына байланысты наурыз айына жоспарланған қойылымдар кейінге қалдырылғанын жеткіземіз.
Қойылымдардың өзгертілген уақыты кейінірек хабарланатын болады.
Театр әкімшілігі
Құрметті көрермендер! Эпидемиологиялық жағдайды сақтау мақсатында осы аптаға жоспарланған қойылымдар кейінге қалдырылғанын хабарлаймыз.
Келтірілген ыңғайсыздықтар үшін кешірім сұраймыз!
Алдағы қойылымдар жайлы театрдың ресми сайттарынан біле аласыздар.
Театр әкімшілігі
Құрметті көрермендер! Эпидемиологиялық жағдайды сақтау мақсатында
3-9 наурыз күндері аралығына жоспарланған қойылымдар кейінге қалдырылғанын жеткіземіз!
Келтірілген ыңғайсыздық үшін кешірім сұраймыз және түсіністікпен қарайды деген ойдамыз!
Билеттерді театр кассасына өткізулеріңізге болады.
Театр әкімшілігі
Шығыс Қазақстан облыстық драма театрының директоры Ұябай Дынмұхамет Мамырханұлы 60 жасқа толды. Мерейлі мерекеңіз құтты болсын!
Шығыс Қазақстан облыстық мәдениет, архивтер және құжаттама басқармасының, облыстық драма театрының қазақ труппасында ағымдағы жылдың 08 ақпанында А.П. Чеховтың әңгімелері жинағынан алынған «Әңгімелер» атты қойылымы өтті. Қойылымның режиссері тәжірибе алмасу мақсатында шақырылған ҚР «Мәдениет қайраткері» Б.Шамбетов.
Шығыс Қазақстан облыстық Қазақ драма театры – 2020 жылды орыс классигі А.П. Чеховтың әңгімелері бойынша «Әңгімелер...» атты қойылымды дайындаумен бастады.
Қойылымды сахналайтын тәжірибе алмасу мақсатында шақырылған режиссер ҚР «Мәдениет қайраткері» Б. Шамбетов. Жас режиссердің бұған дейінгі сахналаған қойылымдары түрлі номинация иегерлері. 2017 жылы Р.Есдәулет атындағы фестивальде М.Жұмабаевтың «Шолпанның күнәсі» атты қойылымды сахналаған режиссер Б. Шамбетов «Бас жүлдені» иеленген болатын.
Қойылым адам өмірінің қиын да, қызықты кезеңдері, материалдық және рухани құндылықтарды бөліп қарауы, шекпенділерге табынушылар, адамдар арасындағы көре алмаушылық, күншілдікті арқау ететін спектакль – өмірден алынған ащы шындығымен көрерменін бейжай қалдырмайтыны анық.
2020 жылдың 21 қаңтарынан бастап елімізде, Абайдың 175 жылдығын мерекелеу басталды. Руханилықты насихаттаудың үлкен ордасы ол – Театр. Осыған орай, Шығыс Қазақстан облыстық мәдениет, архивтер және құжаттама басқармасының, «Шығыс Қазақстан облыстық драма театры» ұжымы 22 қаңтар күні, сағ 17.00-де К. Жұмабектің «Замана неткен тар едің...» атты қойылымын көрерменге тегін сахналады.
2019 жылдың 27 желтоқсаны күні елімізде болған ұшақ апатына байланысты, ағымдағы жылдың 28 желтоқсаны күні жалпы ұлттық аза тұту күні – деп, жарияланды. Осыған орай, 28 күні болатын барлық қойылымдар басқа күнге ауыстырылды.
Шығыс Қазақстан облыстық драма театрында 16 – желтоқсан «Тәуелсіздік күніне» орай, Д.Рамазанның «Керей – Жәнібек» атты тарихи қойылымы қала халқына тегін сахналанды.
Шығыс Қазақстан облысы мәдениет, архивтер және құжаттама басқармасының, Шығыс Қазақстан облыстық драма театрында, ағымдағы жылдың 23 қарашасы күні облыстық драма театрының директоры қызметін атқарған, Мемлекеттік «Дарын» жастар сыйлығының лауреаты ақын, режиссер Рүстем Есдәулетовтің өмірден өткеніне он жыл толуына байланысты «Еске алу кеші» өтті.
Шығыс Қазақстан облысы мәдениет, архивтер және құжаттама басқармасының «Шығыс Қазақстан облыстық драма театрының» қазақ труппасы, кезекті 20 – театр маусымын белгілі әнші, актер, ақын, драматург - Қанат Жүнісовтың «Алғашқы махаббат» атты комедиясымен ашты.