Бүгінгі «Алтай таңында» Шығыс Қазақстан облыстық Қазақ драма театрының актерлері «ҚОЗЫ КӨРПЕШ – БАЯН СҰЛУ» классикалық туындыдағы «Қозы Көрпеш» – Еркебұлан Какимов, «Баян Сұлу» – Айым Бегмат, «Қарабай» – Тұрсынбек Дүзбаев және тарихи шындықтан ауытқымай, шынайы бейнелеу тапқан шығарманың режиссері Асыл Қозықанов – көрерменмен тікелей жүздесті.
Тұрсынбек Қабдешұлы тәжірибелі актер, «Қарабай» образын әбден зерделеп, зерттеген – 20 жылдан соң аталған образды қайта сахнаға алып шығады.
Басты образдағы Еркебұлан бұған дейін де бірнеше кейіпкерді сомдап, өзінің жан-жақтылығымен көрерменнің көзайымына айналған талантты актер. Айымның осы театрдағы алғашқы басты образы. Келешегінен көп үміт күттіретін актрисаға сәттілік тілейміз.